2023 වසරේදී හමුදාවට එරෙහි විරෝධතාවලට යොමුවීම සම්බන්ධයෙන් සිරගත කර සිටින පාකිස්ථානයේ හිටපු අගමැති ඉම්රාන් ඛාන්ගේ පක්ෂයේ සාමාජිකයින් 108දෙනෙක්ට සිර දඬුවම් නියම කර තිබෙනවා.

විදෙස් මාධ්‍ය වාර්තා කළේ දූෂණ චෝදනා මත අධිකරණයට ඉදිරිපත් කරන අතරතුර ආරක්ෂක අංශ ඛාන් අත්අඩංගුවට ගැනීමෙන් පසු 2023 වසරේ මැයි මාසයේදී රට පුරා ප්‍රචණ්ඩ විරෝධතා ඇති වූ බවයි. 

එමෙන්ම පසුගිය වසර 02ක තුළ බලධාරීන් විසින් මේ වන විටත් විශාල පිරිසකට දඬුවම් ලබාදී තිබෙනවා.

විදෙස් මාධ්‍ය වැඩිදුරටත් සඳහන් කළේ විපක්ෂ නායක ඕමාර් අයුබ් ඛාන්ට වසර 10ක සිර දඬුවමක් ඇතුළුව PTI පක්ෂයේ මන්ත්‍රීවරුන් 06දෙනෙක්ට ඔවුන්ගේ පාර්ලිමේන්තු ආසනවලින් නුසුදුස්සන් ලෙස නම් කර තිබෙන බවයි.

(colombotimes.lk)