මියගිය පුද්ගලයෙකුට පණ ලැබෙන අයුරු සමහර කතන්දර වලදී අපි අසා තිබෙනවා.

එමෙන්ම බොහෝ චිත්‍රපට වලටද මෙවැනි සංකල්ප ඇතුලත් කර ඇති අයුරු දක්නට ලැබෙනවා.

නමුත් සත්‍ය වශයෙන්ම එවැනි දෙයක් සිදුවීම යථාර්තවාදී වන්නේ නැහැ.

එයට හේතුව වන්නේ පුද්ගලයෙකු මිය යාමේදී ඔහුගේ සිරුරේ සියලු ජෛව තාක්ෂණ ක්‍රියාවන් ස්ථිරවම නතර වීමයි.



නමුත් පසුගිය දිනක මෙසේ මරණයට පත්වූ සුපිරි තරු කිහිපයකට නැවත පණ ලබා දෙන්න පුද්ගලයෙක් සමත්වී තිබෙනවා.

ඔහු වෘත්තියෙන් ඡායාරූප ශිල්පියෙක් වන අතර, කෘතීම බුද්ධිය භාවිතා කරමින් ඔහු මෙම පරීක්ෂණය කර ඇති බව සඳහන්.

මොහු තුර්කි ජාතිකයෙක් වන අතර, නමින් ඇල්පර් යෙසිල්ටාස් ලෙස හැඳින්වෙනවා.

එමෙන්ම ඔහුගේ විශේෂත්වය වන්නේ හොල්මන් සහ යථාර්ථවාදී රූප සම්බන්ධයෙන් විශේෂඥ දැනුමක් තිබීමයි.

ඒ අනුව ඔහු විසින් ඩයනා කුමරිය, කර්ට් කොබේන්, ජෝන් ලෙනන්, ජැනිස් ජොප්ලින්, ෆ්‍රෙඩී මර්කරි සහ තවත් අයගේ චිත්‍ර නිර්මාණය කරමින් අද්භූත ලෙස එම තරු නැවත ප්‍රතිනිර්මාණය කර තිබෙනවා.

කෘතිම බුද්ධියේ ඡායාරූප වර්ධක මෘදුකාංග සහ ඡායාරූප සංස්කරණ වැඩසටහන් භාවිතා කරමින් ඇල්පර් මෙම පරීක්ෂණය සිදුකර ඇති බව සඳහන්.



මේ පිළිබඳව අදහස් දක්වමින් ඔහු සඳහන් කර ඇත්තේ AI තාක්‍ෂණයේ දියුණුවත් සමඟ, අපට සිතාගත හැකි ඕනෑම දෙයක් යථාර්ථයක් ලෙස පෙන්විය හැකි බවයි.

එමෙන්ම ඔහු සඳහන් කළේ තාක්‍ෂණය සමඟ සම්බන්ධ වීමේදී ඒ හරහා ලබා ගත හැකි ප්‍රයෝජන ගැන තමන් පුළුල් ලෙස වටහා ගත් බවයි.

ඒ අනුව යමින් මෙම පුද්ගලයින් ජීවත්ව සිටියා නම් දක්නට ලැබෙන ආකාරය දැකීමේ ආශාවක් තමන්ට ඇතිවූ බවද ඔහු පැවසුවා.

පසුව තමන් ඔහු AI තාක්ෂණය යොදා ගනිමින් මෙම පරීක්ෂණය කිරීමට පටන් ගෙන තිබෙනවා.

මෙම ඡායාරූප නිර්මාණය කිරීමේ අමාරුම කොටස වන්නේ රූපයට 'සැබෑ' හැඟීමක් ඇති කිරීමයි.



නමුත් AI තාක්ෂණය හරහා එය, ජීවමාන පුද්ගලයෙකුගේ, මේ මොහොතේ ගත් ඡායාරූපක් ලෙස තාත්ත්විකව නිර්මාණය වීම පුදුම සහගත කරුණක් ලෙස ඔහු සඳහන් කර තිබෙනවා.

එමෙන්ම ඔහු මෙම පරීක්ෂණයට ඇතුළත් කරගත් සෑම ප්‍රසිද්ධ පුද්ගලයෙක්ම ඛේදජනක තත්වයන් යටතේ, තරුණ වයසේදී මිය ගිය අය වීම තවත් විශේෂත්වයක් වනවා.

ඔහු විසින් නිර්මාණය කළ ඡායාරූප පහතින්.,

ඩයනා කුමරිය (36) : 1997 අගෝස්තු 31 වන දින අලුයම මිය ගිය අතර, ඒ ඇය පැදවූ Mercedes-Benz රථය පැපරාසීන් විසින් ලුහුබඳිමින් සිටියදී අනතුරට ලක්වීමෙනි.



රොකර් කර්ට් කොබේන් (27) : 1994 අප්‍රේල් 5 වන දින නිවසේ සිටියදී වෙඩි තබාගෙන මිය ගොස් සිටියදී සොයා ගන්නා ගැනුණා.



බීට්ල්ස් ගායක ජෝන් ලෙනන් (40) : 1980 දෙසැම්බර් 8 වන දින නිව් යෝර්ක් නගරයේදී වෙඩි තබා මරා දමා තිබුණා.



රැජිනගේ ප්‍රධාන ගායන ශිල්පී ෆ්‍රෙඩී මර්කරි (45) : 1991 නොවැම්බර් 24 වන දින ලන්ඩනයේ ඔහුගේ නිවසේදී ඒඩ්ස් රෝගය හේතුවෙන් ඇති වූ බ්‍රොන්පයිල් නියුමෝනියාවෙන් මිය ගියා.



රැප් ගායක Tupak Shakur (25) : ලාස් වේගාස්හිදී 1996 සැප්තැම්බර් 13 වන දින වෙඩි වැදීමෙන් මිය ගියා.



රංගන ශිල්පී හීත් ලෙජර් (28) : 2008 ජනවාරි 22 වන දින මත්ද්‍රව්‍ය අධික ලෙස පානය කිරීම හේතුවෙන් මිය ගියා.



සංගීතවේදී ජිමි හෙන්ඩ්‍රික්ස් (27) : 1970 සැප්තැම්බර් 18 වැනි දින මත්ද්‍රව්‍ය අධික ලෙස පානය කිරීම නිසා මිය ගියා.



ජැනිස් ජොප්ලින් (27) : 1970 ඔක්තෝබර් 4 වන දින හෙරොයින් අධික මාත්‍රාවකින් ලබා ගැනීම හේතුවෙන් මිය ගියා.



මයිකල් ජැක්සන් (50) : 2009 ජුනි 25 වන දින ඔහුගේ ලොස් ඇන්ජලීස් නිවසේදී propofol සහ benzodiazepine විෂ වීමෙන් මිය ගියා.



එල්විස් ප්‍රෙස්ලි (42) : 1977 අගෝස්තු 16 වන දින හෘදයාබාධයකින් පෙළීම හා දියවැඩියාව හේතුවෙන් මිය ගියා.



මේ අනුව ඔහු AI තාක්ෂණය භාවිතා කරමින් ඉදිරියේදී තවත් මෙවැනි පරීක්ෂණය රැසක් සිදු කිරීමට බලාපොරොත්තු වන බව සඳහන්.

එම ඉදිරි පරීක්ෂණ පිළිබඳව තොරතුරු දැනගන්න Colombo Times සමඟ දිගටම රැඳී සිටින්න.
(Vimarshana Samarakoon @ COLOMBO TIMES)