මහානායක හිමිවරුන්ගෙන් ජනපතිට විශේෂ ලිපියක්

BY COLOMBO TIMES ON February 02, 2023 - 1:29 PM

රටේ ස්වාධීනත්වය, භෞමික අඛණ්ඩතාව සහ ජාතික ආරක්‍ෂාව සම්බන්ධයෙන් බරපතළ ගැටලු මතුවන 13 වැනි ආණ්ඩුක්‍රම ව්‍යවස්ථා සංශෝධනය ක්‍රියාත්මක නොකරන ලෙස ඉල්ලා මහානායක හිමිවරුන් ජනාධිපතිවරයා වෙත ලිපියක් යොමුකර තිබෙනවා.

13 වන ආණ්ඩුක්‍රම ව්‍යවස්ථා සංශෝධනය සම්පූර්ණයෙන් ක්‍රියාත්මක කරන බවට ජනාධිපතිවරයා කළ ප්‍රකාශය රට තුළ ව්‍යාකූල තත්ත්වයක් නිර්මාණය කර ඇති බවයි මහානායක හිමිවරුන් සඳහන් කරන්නේ.

13 වැනි ආණ්ඩුක්‍රම ව්‍යවස්ථා සංශෝධනයෙන් පොලිස් සහ ඉඩම් බලතල සහ ඊට අදාළ කරුණු ලබාදීම තුළින් තවදුරටත් රට බෙදීම් ඇතිවීමට මග පෑදෙන බවද මහානායක හිමිවරු පෙන්වා දෙනවා.

13 වැනි ආණ්ඩුක්‍රම ව්‍යවස්ථා සංශෝධනය රට තුළ ව්‍යාකූල තත්ත්වයක් ඇති කළ හැකි බව තේරුම් ගෙන එය සම්පූර්ණයෙන් ක්‍රියාත්මක කිරීමෙන් මීට පෙර සිටි සියලුම ජනාධිපතිවරුන් වැළකී සිටි බවද ඔවුහු සඳහන් කරනවා.
(colombotimes.lk)